khud hi ruuthe ho to phir is kaa mudaavaa kyon ho

Khud hee rooThe ho to phir is kaa mudaavaa kyon ho Ham na kahte the ki haan ranjish-e-bejaa kyon ho Har bashar apnee pareshaan-nazaree ke baa-vasf Khud tamaashaa hai to phir mahv-e-tamaashaa kyon ho Dil ke bahlaane ko ummeed-e-karam rakhte hain Varna ye ham bhee samajhte hain ki aisa kyon ho Dasht jo meree tamannaa na kare dasht nahin Khaak jis men na uDe meree wo sahraa kyon ho Ek lahza bhee jo paa.oon gham-e-hastee se faraagh Ik nayaa ranj pukaare hai ki tanhaa kyon ho