kuduuraton ke darmiyaan adaavaton ke darmiyaan

Kudooraton ke darmiyaan adaavaton ke darmiyaan Tamaam dost ajnabee hain doston ke darmiyaan Shu.oor-e-asr DhoonDhtaa raha hai mujh ko aur main Magan hoon ahd-e-raftagaan kee azmaton ke darmiyaan Ye sochte hain kab talak zameer ko bachaa.enge Agar yoonhee jiyaa kiye zarooraton ke darmiyaan Abhee shikast kya ki razm-e-aakhiree ik aur hai Pukaartee hai zindagee hazeematon ke darmiyaan Zameer-e-asr men kabhi nava-e-dard men kabhi Sukhan-saraa to main bhee hoon sadaaqaton ke darmiyaan