lamha lamha miraa har ik se sivaa jaagtaa hai
— Pirzada Qasim
Lamha lamha miraa har ik se sivaa jaagtaa hai
Main alag jaagtaa hoon dard judaa jaagtaa hai
Bakht bhee sote hain aur ghar ke makeen bhee lekin
Sarhad-e-shab pe kaheen ek diyaa jaagtaa hai
Khvaab ho jaane se pahle koi harf-e-khush-kaam
Isee ummeed pe ye zehn-e-rasaa jaagtaa hai
Ham pe hee khaas hain Kuch us kee inaayaat so ab
Fitna is shahr men har roz nayaa jaagtaa hai
Ai mire dard bataa had se guzarnaa kab hai
Too jo yuun jaagtaa rahtaa hai to kya jaagtaa hai