miyaan e kaar e dunya ham se dil naashaad kya karte

Miyaan-e-kaar-e-dunya ham se dil naashaad kya karte Hamen wo yaad kab aayaa use ham yaad kya karte Agar pahchaan apnee ik dil-e-veeraan hai to phir Wo ham ko shaad kya aur ham use aabaad kya karte Hamen jaldee bahut thee ishq men barbaad hone kee So pesh-o-pas men paD ke waqt ko barbaad kya karte Bhalaa ye aah-o-zaaree sho.abada-baazon ke bas kee hai Fughaan e.ajaaz hotee hai fughaan eejaad kya karte Agar ham sarf ho jaate kaheen fariyaad kee lai men To bas lai-kaar ho sakte the ham fariyaad kya karte