ruuh gar nauha kunaan ho to gazal hotii hai
— Pirzada Qasim
Ruuh gar nauha-kunaan ho to ghazal hotee hai
Dil ko ehsaas-e-ziyaan ho to ghazal hotee hai
Mahfil-e-maah-vashaan men to ghazal ho na sakee
Bazm-e-aashufta-saraan ho to ghazal hotee hai
Sirf aankhon men namee se na banegee koi baat
Ek Dariya saa ravaan ho to ghazal hotee hai
Main ne mahsoos kiyaa hai ki kisee kee wo nazar
Meree jaanib nigaraan ho to ghazal hotee hai
Dheeme dheeme se sulagte hue jazbaat ke saath
'meer' kaa tarz-e-bayaan ho to ghazal hotee hai