ye bhi kya kam hai ki ham betaab haalat men rahe

Ye bhee kya kam hai ki ham betaab haalat men rahe Ban na paa.e Kuch bhee lekin dast-e-qudrat men rahe Ham ko aankhon men basaayaa vaqt ne maanind-e-khvaab Aur ham ta.abeer ho jaane kee hasrat men rahe Ham ne sahraa ho ki gulshan ek jaisaa kar diyaa Jis Thikaane bhee rahe zanjeer-e-vahshat men rahe Ab sila husn-e-amal kaa kya milaa kya jaaniye Raushnee the ham so sho.ale kee rifaaqat men rahe Khalvat-e-jaan men baDee fursat se aa baiThaa hai gham Arsa-e-fursat milaa to ham bhee fursat men rahe