zakhm dabe to phir nayaa tiir chalaa diyaa karo
— Pirzada Qasim
Zakhm dabe to phir nayaa tiir chalaa diyaa karo
Dosto apna lutf-e-khaas yaad dilaa diyaa karo
Ek ilaaj-e-daa.imee hai to baraa-e-tishnagee
Pahle hee ghoonT men agar zahr milaa diyaa karo
Shahr talab kare agar tum se ilaaj-e-teeragee
Saahab-e-ikhtiyaar ho aag lagaa diyaa karo
Maqtal-e-gham kee raunaqen khatm na hone paa.engee
Koi to aa hee jaa.egaa roz sadaa diyaa karo
Jazba-e-khaak-parvaree aur sukoon paa.egaa
Khaak karo hamen to phir khaak uDaa diyaa karo