aaj ki baaten kal ke sapne

Jab bhee tanhaa mujhe paate hain guzarte lamhe Teree tasveer see raahon men bichhaa jaate hain Main ki raahon men bhaTaktaa hee chalaa jaataa hoon Mujh ko khud meree nigaahon se chhupaa jaate hain Mere bechain khayaalon pe ubharne vaalee Apne khawabon se na bahlaa meree tanhaa.ee ko Jab tiree saans miree saans men tahleel nahin Kyaa karengee miree baanhen teree Angdhaai ko Jab khayaalon men tire jism ko chhoo letaa hoon Zindagee sho.ala-e-maazee se jhulas jaatee hai Jab guzarnaa hoon gham-e-haal ke veeraane se Mere ehsaas kee naagin mujhe Das jaatee hai Ham-safar tujh ko kahoon yaa tujhe rahzan samjhoon Raah men laa ke mujhe chhoD diyaa hai too ne Ek wo din ki tiraa pyaar basaa tha dil men Ek ye waqt ki dil tod diyaa hai too ne Maazee o haal kee tafreeq wo qurbat ye firaaq Pyaar gulshan se chalaa aayaa hai zindaanon men Be-zaree apnee sadaaqat ko parakhtee hee rahi Tal gaya husn zar-o-seem kee meezaanon men Ghair se resham-o-kam-khvaab kee raahat paa kar Too mujhe yaad bhee aa.egee to kya aa.egee Ek mustaqbil-e-zarreen kee tijaarat ke liye Too mohabbat ke taqaddus ko bhee Thukraa.egee Aur main pyaar kee taqdees pe marne vaalaa Dard ban kar tire ehsaas men bas jaa.oongaa Vaqt aa.egaa to ikhlaas kaa baadal ban kar Teree jhulsee huee raaton pe baras jaa.oongaa Jab bhi tanha mujhe pate hain guzarte lamhe Teri taswir si rahon mein bichha jate hain Main ki rahon mein bhaTakta hi chala jata hun Mujh ko KHud meri nigahon se chhupa jate hain Mere bechain KHayalon pe ubharne wali Apne KHwabon se na bahla meri tanhai ko Jab teri sans meri sans mein tahlil nahin Kya karengi meri banhen teri angDai ko Jab KHayalon mein tere jism ko chhu leta hun Zindagi shoala-e-mazi se jhulas jati hai Jab guzarna hun gham-e-haal ke virane se Mere ehsas ki nagin mujhe Das jati hai Ham-safar tujh ko kahun ya tujhe rahzan samjhun Rah mein la ke mujhe chhoD diya hai tu ne Ek wo din ki tera pyar basa tha dil mein Ek ye waqt ki dil tod diya hai tu ne Mazi o haal ki tafriq wo qurbat ye firaq Pyar gulshan se chala aaya hai zindanon mein Be-zari apni sadaqat ko parakhti hi rahi Tal gaya husn zar-o-sim ki mizanon mein Ghair se resham-o-kam-KHwab ki rahat pa kar Tu mujhe yaad bhi aaegi to kya aaegi Ek mustaqbil-e-zarrin ki tijarat ke liye Tu mohabbat ke taqaddus ko bhi Thukraegi Aur main pyar ki taqdis pe marne wala Dard ban kar tere ehsas mein bas jaunga Waqt aaega to iKHlas ka baadal ban kar Teri jhulsi hui raaton pe baras jaunga