aap biitii

Mere khawabon ke shabistaan men ujaalaa na karo Ki bahut duur saveraa nazar aataa hai mujhe Chhap ga.e hain miree nazron se khad-o-khaal-e-hayaat Har taraf abr ghaneraa nazar aataa hai mujhe Chaand taare to kahaan ab koi jugnoo bhee nahin Kitnaa shaffaaf andheraa nazar aataa hai mujhe Koee taabinda kiran yuun mire dil par lapkee Jaise so.e hue mazloom pe talvaar uThe Kisee naghme kee sadaa guunj ke yuun tharraa.ee Jaise TuuTee huee paazeb se jhankaar uThe Main ne palkon ko uThaayaa bhee to aansoo paa.e Mujh se ab khaak javaanee kaa koi baar uThe Tum ne raaton men sitaare to TaTole honge Main ne raaton men andhere hee andhere dekhe Tum ne khawabon ke paristaan to sajaa.e honge Main ne maahaul ke shab-rang pharere dekhe Tum ne ik taar kee jhankaar to sun lee hogee Main ne geeton men udaasee ke basere dekhe Mire gham-khvaar mire dost tumhen kya ma.aloom Zindagee maut ke maanind guzaaree main ne Ek bigDee huee soorat ke sivaa kuch bhee na tha Jab bhee haalaat kee tasveer utaaree main ne Kisee aflaak-nasheen ne mujhe dhutkaar diyaa Jab bhee rokee hai muqaddar kee savaaree main ne Mire gham-khvaar mire dost tumhen kya ma.aloom! Mere KHwabon ke shabistan mein ujala na karo Ki bahut dur sawera nazar aata hai mujhe Chhap gae hain meri nazron se KHad-o-KHal-e-hayat Har taraf abr ghanera nazar aata hai mujhe Chand tare to kahan ab koi jugnu bhi nahin Kitna shaffaf andhera nazar aata hai mujhe Koi tabinda kiran yun mere dil par lapki Jaise soe hue mazlum pe talwar uThe Kisi naghme ki sada gunj ke yun tharrai Jaise TuTi hui pazeb se jhankar uThe Main ne palkon ko uThaya bhi to aansu pae Mujh se ab KHak jawani ka koi bar uThe Tum ne raaton mein sitare to TaTole honge Main ne raaton mein andhere hi andhere dekhe Tum ne KHwabon ke paristan to sajae honge Main ne mahaul ke shab-rang pharere dekhe Tum ne ek tar ki jhankar to sun li hogi Main ne giton mein udasi ke basere dekhe Mere gham-KHwar mere dost tumhein kya malum Zindagi maut ke manind guzari main ne Ek bigDi hui surat ke siwa kuch bhi na tha Jab bhi haalat ki taswir utari main ne Kisi aflak-nashin ne mujhe dhutkar diya Jab bhi roki hai muqaddar ki sawari main ne Mere gham-KHwar mere dost tumhein kya malum!