agarche mujh ko judaaii tirii gavaaraa nahin

Agarche mujh ko judaa.ee tiree gavaaraa nahin Sivaa.e is ke magar aur koi chaara nahin Khushee se kaun bhulaataa hai apne pyaaron ko Qusoor is men zamaane kaa hai tumhaaraa nahin Tumhaare zikr se yaad aa.e kya ghaTaa ke sivaa Hamaare paas koi aur isti.aaraa nahin Ye iltifaat kee bhiik apne paas rehne de Tire faqeer ne daaman kabhi pasaaraa nahin Miraa to sirf bhanvar tak safeena pahunchaa hai Tujhe to Doobne vaalon ne bhee pukaaraa nahin Har ek rabt tire vaaste se thaa varna Bhare jahaan men koi aashnaa hamaaraa nahin Jo teree diid ne bakhshe vahee hain zakhm bahut Ab apne dil men koi hasrat-e-nazaara nahin Banaa sakoon jise jhoomar tumhaare maathe kaa Falak pe aaj bhee aisa koi sitaaraa nahin Chalaa.e jaao 'qateel' apna kaarobaar-e-wafa Jo is men jaan bhee jaa.e to Kuch khasaaraa nahin