andesha

Sandaleen jism kee khushboo se mahaktee huee raat Mujh se kahtee hai yaheen aaj baseraa kar le Gar tiree niind ujaalon kee parastaar nahin Apne ehsaas pe zulfon kaa andheraa kar le Main ki din bhar kee chakaa-chaund se uktaayaa huaa Kisee ghunche kee tarah dhoop men kumhlaayaa huaa Ik na.ee chhaanv men sustaane ko aa baiThaa huun Gardish-e-dahr ke aalaam se ghabraayaa huaa Sochtaa huun ki yaheen aaj baseraa kar luun Sub.h ke saath kaDee dhoop khaDee hai sar par Kyuun na is abr ko kuch aur ghaneraa kar luun Jaane ye raat akele men kaTe yaa na kaTe Kyuun na kuch der shabistaan men andheraa kar luun Lekin is raat kee ye baat na baDh jaa.e kaheen Tujh se mil kar ye mire dil ko lagaa hai dhaDkaa Raakh ho jaa.oongaa main sub.h se pahle pahle Khul ke siine men jo ehsaas kaa sho.ala bhaDkaa Sandalin jism ki KHushbu se mahakti hui raat Mujh se kahti hai yahin aaj basera kar le Gar teri nind ujalon ki parastar nahin Apne ehsas pe zulfon ka andhera kar le Main ki din bhar ki chaka-chaund se uktaya hua Kisi ghunche ki tarah dhup mein kumhlaya hua Ek nai chhanw mein sustane ko aa baiTha hun Gardish-e-dahr ke aalam se ghabraya hua Sochta hun ki yahin aaj basera kar lun Subh ke sath kaDi dhup khaDi hai sar par Kyun na is abr ko kuch aur ghanera kar lun Jaane ye raat akele mein kaTe ya na kaTe Kyun na kuch der shabistan mein andhera kar lun Lekin is raat ki ye baat na baDh jae kahin Tujh se mil kar ye mere dil ko laga hai dhaDka Rakh ho jaunga main subh se pahle pahle Khul ke sine mein jo ehsas ka shoala bhaDka