apne haathon ki lakiiron men sajaa le mujh ko

Apne haathon kee lakeeron men sajaa le mujh ko Main hoon teraa too naseeb apna banaa le mujh ko Main jo kaanTaa hoon to chal mujh se bachaa kar daaman Main hoon gar phuul to juuDe men sajaa le mujh ko Tark-e-ulfat kee qasam bhee koi hotee hai qasam Too kabhi yaad to kar bhoolne vaale mujh ko Mujh se too poochhne aayaa hai wafa ke ma.anee Ye tiree saada-dilee maar na Daale mujh ko Main samundar bhee hoon motee bhee hoon ghota-zan bhee Koi bhee naam miraa le ke bulaa le mujh ko Too ne dekhaa nahin aa.eene se aage Kuch bhee Khud-parastee men kaheen too na ganvaa le mujh ko Baandh kar sang-e-wafa kar diyaa too ne gharqaab Kaun aisa hai jo ab DhoonDh nikaale mujh ko Khud ko main baanT na Daaloon kaheen daaman daaman Kar diyaa too ne agar mere havaale mujh ko Main khule dar ke kisee ghar kaa hoon saamaan pyaare Too dabe-paanv kabhi aa ke churaa le mujh ko Kal kee baat aur hai main ab saa rahoon yaa na rahoon Jitnaa jee chaahe tiraa aaj sataa le mujh ko Baada phir baada hai main zahr bhee pee jaaon 'qateel' Shart ye hai koi baanhon men sambhaale mujh ko