dard e mushtarak

Main ne jo zulm kabhi tujh se ravaa rakkhaa tha Aaj usee zulm ke phande men giraftaar hoon main Main ne jo tiir tire haath se chheenaa tha kabhi Aaj usee tiir ke ghaav se nigoon-saar hoon main Jis kee khaatir tiree zillat bhee gavaaraa thee mujhe Aaj usee ''paikar-e-ismat'' kaa khataa-kaar hoon main Miree aa.ankhon ne jise chaand kahaa tha kal tak Aaj usee sho.ala-e-parraan se araq-baar hoon main Too na chaahe bhee to aafaaq hansegaa mujh par Vaqt ke haath men TuuTee huee talvaar hoon main Main ne chaahaa tha ki insaan kee azmat ke liye Ek mazloom javaanee ko sahaaraa de duun Ek Thukraa.e hue pyaar ke sadme baanToon Ek bhaTke hue raahee ko ishaara de duun Ek jhulse hue ehsaas ko ThanDak bakhshoon Aur kaunain ko phir zauq-e-nazaara de duun Main ne ikhlaas ke phoolon se banaa.e gajre Main ne ikhlaas ke phoolon se banaa.e gajre Main ne ehsaas ke jhoolon men jhulaayaa us ko Main ne rondee huee raahon pe bichhaa.ee aanhken Main ne paighaam sitaaron kaa sunaayaa us ko Main ne aflaas ke Dariya kaa tamavvuj pee kar Ik na.ee aas ke saahil pe lagaayaa us ko Aaj main soch raha hoon shab-e-tanhaa.ee men Kis qadar talkh javaanee kee luTee yaaden hain Dekh is daur men aivaan-e-mohabbat ke liye Kaisee kaisee gham-o-andoh kee buniyaaden hain Kal tire deeda-e-hairaan se lahoo phooTaa tha Aaj mere lab-e-khaamosh pe fariyaaden hain Ye mohabbat ye wafa.en ye muravvat ye khuloos In ko sarmaa.e ne be-kaar banaa rakkhaa hai Husn aur husn ke har ek sanam-khaane ko Zar-paraston ne jafaakaar banaa rakkhaa hai Aa ki us daur kaa me.aar badalnaa hai hamen Jis ne har zehn ko beemaar banaa rakkhaa hai Aa ki us jins-e-giraan-qadr ko bedaar karen Jis ne ham sab ko khareedaar banaa rakkhaa hai Aa ki us fitna-e-zarposh ko uryaan kar den Jis ne aafaaq ko baazaar banaa rakkhaa hai Main ne jo zulm kabhi tujh se rawa rakkha tha Aaj usi zulm ke phande mein giraftar hun main Main ne jo tir tere hath se chhina tha kabhi Aaj usi tir ke ghaw se nigun-sar hun main Jis ki KHatir teri zillat bhi gawara thi mujhe Aaj usi paikar-e-ismat ka KHata-kar hun main Meri aaankhon ne jise chand kaha tha kal tak Aaj usi shoala-e-parran se araq-bar hun main Tu na chahe bhi to aafaq hansega mujh par Waqt ke hath mein TuTi hui talwar hun main Main ne chaha tha ki insan ki azmat ke liye Ek mazlum jawani ko sahaara de dun Ek Thukrae hue pyar ke sadme banTun Ek bhaTke hue rahi ko ishaara de dun Ek jhulse hue ehsas ko ThanDak baKHshun Aur kaunain ko phir zauq-e-nazara de dun Main ne iKHlas ke phulon se banae gajre Main ne iKHlas ke phulon se banae gajre Main ne ehsas ke jhulon mein jhulaya us ko Main ne rondi hui rahon pe bichhai aanhken Main ne paigham sitaron ka sunaya us ko Main ne aflas ke dariya ka tamawwuj pi kar Ek nai aas ke sahil pe lagaya us ko Aaj main soch raha hun shab-e-tanhai mein Kis qadar talKH jawani ki luTi yaaden hain Dekh is daur mein aiwan-e-mohabbat ke liye Kaisi kaisi gham-o-andoh ki buniyaaden hain Kal tere dida-e-hairan se lahu phuTa tha Aaj mere lab-e-KHamosh pe fariyaaden hain Ye mohabbat ye wafaen ye murawwat ye KHulus In ko sarmae ne be-kar bana rakkha hai Husn aur husn ke har ek sanam-KHane ko Zar-paraston ne jafakar bana rakkha hai Aa ki us daur ka mear badalna hai hamein Jis ne har zehn ko bimar bana rakkha hai Aa ki us jins-e-giran-qadr ko bedar karen Jis ne hum sab ko KHaridar bana rakkha hai Aa ki us fitna-e-zarposh ko uryan kar den Jis ne aafaq ko bazar bana rakkha hai