ek nazm ai kisii gulshan zarriin ki garaan qadr kalii

Ai kisee gulshan zarreen kee garaan-qadr kalee Apnee ujDee huee mahkaar chhupaa le mujh se Ai kisee bistar-e-kam-khvaab kee be-rang shikan Apnaa raundaa huaa kirdaar chhupaa le mujh se Ai kisee jannat-e-zar-faam se aane vaalee Apnaa TuuTaa huaa pindaar chhupaa le mujh se Too ne ik baar kahaa tha mujhe tanhaa.ee men Pyaar daulat kaa parastaar nahin ho saktaa Zindagee hirs ke pahloo men nahin so saktee Jism rusvaa sar-e-baazaar nahin ho saktaa Valvale ruuh ke neelaam nahin ho sakte Husn zillat kaa parastaar nahin ho saktaa Maslahat aaj magar jiit chukee hai tujh ko Koee kis munh se kahe moonis-o-gham-khvaar tujhe Koee kis dil se kahe pyaar kee raanee tujh ko Koee kis tarah kahe paikar-e-eesaar tujhe Too ne bechee hai sar-e-aam javaanee apnee Gudgudaatee hai zar-o-seem kee jhankaar tujhe Ye tiraa pyaar tire jism kaa sauda hee sahee Ab tiree ruuh tire paas nahin aa.egee Ye tiraa dil ki bhaTaktaa hee chalaa jaataa hai Is men ab shiddat-e-ehsaas nahin aa.egee Too ne har-chand garaan nirkh ye jalve beche Ye tijaarat bhee tujhe raas nahin aa.egee Dekh us daur-e-jahaan-soz ke veeraane men Lazzat-e-jism ke toofaan ba-har-gaam uThe Kyaa yahee tujh ko sikhaayaa hai nizaam-e-zar ne Ki mohabbat kaa janaaza sahar-o-shaam uThe Kyaa yoonhee pyaar kee tauqeer huaa kartee hai Ki mahaktee huee har saans kaa neelaam uThe Dekh is dahr men arbaab-e-havas ke haathon Aabroo pyaar kee miTTee men milee jaatee hai Hirs kaa shor fazaaon men rachaa jaataa hai Baat ikhlaas kee honTon men silee jaatee hai Saadgee husn kaa majrooh-e-tabassum ban kar Kisee jallaad ke chehre pe khulee jaatee hai Too ki ab tujh se mujhe koi sarokaar nahin Ban ke too kis ke liye aa.ina-roo aatee hai Ye numaa.ish kee mohabbat ise main jaantaa huun Kyuun mire saamne sahmee huee too aatee hai Ai kisi gulshan zarrin ki garan-qadr kali Apni ujDi hui mahkar chhupa le mujh se Ai kisi bistar-e-kam-KHwab ki be-rang shikan Apna raunda hua kirdar chhupa le mujh se Ai kisi jannat-e-zar-fam se aane wali Apna TuTa hua pindar chhupa le mujh se Tu ne ek bar kaha tha mujhe tanhai mein Pyar daulat ka parastar nahin ho sakta Zindagi hirs ke pahlu mein nahin so sakti Jism ruswa sar-e-bazar nahin ho sakta Walwale ruh ke nilam nahin ho sakte Husn zillat ka parastar nahin ho sakta Maslahat aaj magar jit chuki hai tujh ko Koi kis munh se kahe munis-o-gham-KHwar tujhe Koi kis dil se kahe pyar ki rani tujh ko Koi kis tarah kahe paikar-e-isar tujhe Tu ne bechi hai sar-e-am jawani apni Gudgudati hai zar-o-sim ki jhankar tujhe Ye tera pyar tere jism ka sauda hi sahi Ab teri ruh tere pas nahin aaegi Ye tera dil ki bhaTakta hi chala jata hai Is mein ab shiddat-e-ehsas nahin aaegi Tu ne har-chand garan nirKH ye jalwe beche Ye tijarat bhi tujhe ras nahin aaegi Dekh us daur-e-jahan-soz ke virane mein Lazzat-e-jism ke tufan ba-har-gam uThe Kya yahi tujh ko sikhaya hai nizam-e-zar ne Ki mohabbat ka janaza sahar-o-sham uThe Kya yunhi pyar ki tauqir hua karti hai Ki mahakti hui har sans ka nilam uThe Dekh is dahr mein arbab-e-hawas ke hathon Aabru pyar ki miTTi mein mili jati hai Hirs ka shor fazaon mein racha jata hai Baat iKHlas ki honTon mein sili jati hai Sadgi husn ka majruh-e-tabassum ban kar Kisi jallad ke chehre pe khuli jati hai Tu ki ab tujh se mujhe koi sarokar nahin Ban ke tu kis ke liye aaina-ru aati hai Ye numaish ki mohabbat ise main jaanta hun Kyun mere samne sahmi hui tu aati hai