jashn e aazaadii

Menh barastaa hai to dhartee kee nazar jhoomtee hai Phuul khilte hain to gulshan pe nikhaar aataa hai Lekin ai jashn-e-bahaaraan ke na.e muntazimo Khud-farebee se kaheen dil ko qaraar aataa hai Tum agar jashn-e-bahaaraan bhee kahoge is ko Maut ke ghaaT ye dhoka bhee utar jaa.egaa Baad-e-sarsar ko agar tum ne kahaa mauj-e-naseem Is se mausam men koi farq nahin aa.egaa Ye gulistaan ye gulistaan men sisakte ghunche Apne a.amaal ke parde men inhen Dhaanp to lo Eqtidaar aaj bhee sargarm-e-safar hai lekin Be-navaaon ke iraadon ko zaraa bhaanp to lo Aaj insaan kee azmat ne kiyaa hai elaan Khud-farebee se koi jee ko na bahalaa.egaa Jab tak aaraa.ish-e-gulzaar nahin ho jaatee Kisee konpal kisee ghunche ko na chain aa.egaa Lekin ai jashn-e-bahaaraan ke na.e muntazimo Ye tamaashaa hamen be-kaar nazar aataa hai Menh barastaa hai na dhartee kee nazar jhoomtee hai Phuul khilte hain na gulshan pe nikhaar aataa hai Meinh barasta hai to dharti ki nazar jhumti hai Phul khilte hain to gulshan pe nikhaar aata hai Lekin ai jashn-e-bahaaran ke nae muntazimo KHud-farebi se kahin dil ko qarar aata hai Tum agar jashn-e-bahaaran bhi kahoge is ko Maut ke ghaT ye dhoka bhi utar jaega Baad-e-sarsar ko agar tum ne kaha mauj-e-nasim Is se mausam mein koi farq nahin aaega Ye gulistan ye gulistan mein sisakte ghunche Apne aamal ke parde mein inhen Dhanp to lo Eqtidar aaj bhi sargarm-e-safar hai lekin Be-nawaon ke iradon ko zara bhanp to lo Aaj insan ki azmat ne kiya hai elan KHud-farebi se koi ji ko na bahalaega Jab tak aaraish-e-gulzar nahin ho jati Kisi konpal kisi ghunche ko na chain aaega Lekin ai jashn-e-bahaaran ke nae muntazimo Ye tamasha hamein be-kar nazar aata hai Meinh barasta hai na dharti ki nazar jhumti hai Phul khilte hain na gulshan pe nikhaar aata hai