kya is kaa gilaa kiije use pyaar hi kab thaa

Kya is kaa gilaa kiije use pyaar hee kab thaa Wo ahd-e-faraamosh vafaadaar hee kab thaa Us ne to sadaa puuje hain Udhte hue jugnoo Wo chaand-sitaaron kaa parastaar hee kab thaa Ham Doob ga.e jaagtee raaton ke bhanvar men Haath us kaa hamaare liye patvaar hee kab thaa Aamon kee haseen rut ke sivaa bhee to wo kuuke Lekin kisee koyal kaa ye kirdaar hee kab thaa Awaaz jo main duun to kisee aur ko chhoo le Is aankh-micholee se wo bezaar hee kab thaa Tum us ko bure naam se yaaro na pukaaro Ye naam use baa.is-e-aazaar hee kab thaa Mash.hoor-e-zamaana hain 'qateel' us kee uDaanen Wo daam-e-mohabbat men giraftaar hee kab thaa