lamhon ki parastaar

Main ne chaahaa tha use ruuh kee raahat ke liye Aaj wo jaan kaa aazaar banee baiThee hai Meree aa.ankhon ne jise phuul se naazuk samjhaa Ab wo chaltee huee talvaar banee baiThee hai Ham-safar ban ke jise naaz tha hamraahee par Rahzanon kee wo taraf-daar banee baiThee hai Kisee afsaane kaa kirdaar banee baiThee hai Us kee ma.asoomiyat-e-dil pe bharosa tha mujhe Azm-e-seetaa kee qasam ismat-e-maryam kee qasam Yaad hain us ke wo hanste hue aansoo mujh ko Khanda-e-gul kee qasam girya-e-shabnam kee qasam Us ne jo kuch bhee kahaa main ne vahee maan liyaa Hukm-e-havvaa kee qasam jazba-e-aadam kee qasam Paak thee ruuh miree chashma-e-zamzam kee qasam Main ne chaahaa tha use dil men chhupaa luun aise Jism men jaise lahoo siip men jaise motee Umr bhar main na jhapaktaa kabhi apnee aanhken Mere zaanoon pe wo sar rakh ke hamesha sotee Sham-e-yak-shab to samajhtaa hai use ek jahaan Kaash ho jaatee wo mere liye jeevan-jotee Dar-ba-dar us kee tamaazat na pareshaan hotee Main use le ke bahut duur nikal jaaon magar Vo miree raah men deevaar banee baiThee hai Zindagee bhar kee parastish use manzoor nahin Vo to lamhon kee parastaar banee baiThee hai Main ne chaahaa tha use ruuh kee raahat ke liye Vo magar jaan kaa aazaar banee baiThee hai Kisee afsaane kaa kirdaar banee baiThee hai Main ne chaha tha use ruh ki rahat ke liye Aaj wo jaan ka aazar bani baiThi hai Meri aaankhon ne jise phul se nazuk samjha Ab wo chalti hui talwar bani baiThi hai Ham-safar ban ke jise naz tha hamrahi par Rahzanon ki wo taraf-dar bani baiThi hai Kisi afsane ka kirdar bani baiThi hai Us ki masumiyat-e-dil pe bharosa tha mujhe Azm-e-sita ki qasam ismat-e-maryam ki qasam Yaad hain us ke wo hanste hue aansu mujh ko KHanda-e-gul ki qasam girya-e-shabnam ki qasam Us ne jo kuch bhi kaha main ne wahi man liya Hukm-e-hawwa ki qasam jazba-e-adam ki qasam Pak thi ruh meri chashma-e-zamzam ki qasam Main ne chaha tha use dil mein chhupa lun aise Jism mein jaise lahu sip mein jaise moti Umr bhar main na jhapakta kabhi apni aanhken Mere zanun pe wo sar rakh ke hamesha soti Sham-e-yak-shab to samajhta hai use ek jahan Kash ho jati wo mere liye jiwan-joti Dar-ba-dar us ki tamazat na pareshan hoti Main use le ke bahut dur nikal jaun magar Wo meri rah mein diwar bani baiThi hai Zindagi bhar ki parastish use manzur nahin Wo to lamhon ki parastar bani baiThi hai Main ne chaha tha use ruh ki rahat ke liye Wo magar jaan ka aazar bani baiThi hai Kisi afsane ka kirdar bani baiThi hai