main ne puuchhaa pahlaa patthar mujh par kaun uthaaegaa

Main ne poochhaa pahlaa patthar mujh par kaun uThaa.egaa Aa.ee ik awaaz ki too jis kaa mohsin kahlaa.egaa Poochh sake to poochhe koi rooth ke jaane vaalon se Raushniyon ko mere ghar kaa rasta kaun bataa.egaa Daalee hai is khush-fahmee ne 'aadat mujh ko sone kee Niklegaa jab sooraj to khud mujh ko aan jagaa.egaa Logo mere saath chalo tum jo Kuch hai wo aage hai Peechhe muD kar dekhne vaalaa patthar kaa ho jaa.egaa Din men hans kar milne vaale chehre saaf bataate hain Ek bhayaanak sapnaa mujh ko saaree raat Daraa.egaa Mere baa'd wafa kaa dhokaa aur kisee se mat karnaa Gaalee degee Dunya tujh ko sar meraa jhuk jaa.egaa Suukh ga.ee jab aankhon men pyaar kee niilee jhiil 'qateel' Tere dard kaa zard samundar kaahe shor machaa.egaa