pyaar ki raah men aise bhi maqaam aate hain

Pyaar kee raah men aise bhee maqaam aate hain Sirf aansoo jahaan insaan ke kaam aate hain Un kee aankhon se rakhe kya koi ummeed-e-karam Pyaas miT jaa.e to gardish men wo jaam aate hain Zindagee ban ke wo chalte hain miree saans ke saath Un ko aise ka.ee andaaz-e-khiraam aate hain Ham na chaahen to kabhi shaam ke saa.e na Dhalen Ham taDapte hain to sub.hon ke salaam aate hain Ham pe ho jaa.en na kuch aur bhee raaten bhaaree Yaad aksar wo hamen ab sar-e-shaam aate hain Chhin ga.e ham se jo haalaat kee raahon men 'qateel' Un haseenon ke hamen ab bhee payaam aate hain