rahguzar

Phir vahee baDhte hue rukte hue qadmon kee chaap Phir vahee sahmee huee simTee huee sargoshiyaan Phir vahee bahkee huee mahkee huee see aahaTen Phir vahee gaatee see lahraatee see kuch madhoshiyaan Zindagee toofaan thee sailaab thee bhaunchaal thee Vaqt phir bhee karvaTon par karvaTen letaa raha Qaafile is raah par aate rahe jaate rahe Raahbar sab ko masaafat kaa sila deta raha Vo tabassum jis ko rote hain ka.ee ujDe suhaag Ban raha hai ik lachaktaa khaar apne paanv men Vo nazar jo kal talak har jism ko Dastee rahi Aaj sustaane lagee hai maslahat kee Chaaon men Kitnee ummeedon ke madfan us ke haathon ban chuke Kitne armaanon ke laashe us ne khud kafnaa.e hain Aah ye maqtal ki jis ke paasbaanee ke liye! Kitne mustaqbil fanaa ke dosh par lahraa.e hain Kulfaton se tang aa kar be-khudee kee khoj men Qaafile is raah par aate rahen jaate rahen Raahbar sab ko masaafat kaa sila deta rahe Raah-rau apne tajassus kaa sila paate rahen Phir wahi baDhte hue rukte hue qadmon ki chap Phir wahi sahmi hui simTi hui sargoshiyan Phir wahi bahki hui mahki hui si aahaTen Phir wahi gati si lahraati si kuch madhoshiyan Zindagi tufan thi sailab thi bhaunchaal thi Waqt phir bhi karwaTon par karwaTen leta raha Qafile is rah par aate rahe jate rahe Rahbar sab ko masafat ka sila deta raha Wo tabassum jis ko rote hain kai ujDe suhag Ban raha hai ek lachakta KHar apne panw mein Wo nazar jo kal talak har jism ko Dasti rahi Aaj sustane lagi hai maslahat ki chhanw mein Kitni ummidon ke madfan us ke hathon ban chuke Kitne armanon ke lashe us ne KHud kafnae hain Aah ye maqtal ki jis ke pasbani ke liye! Kitne mustaqbil fana ke dosh par lahrae hain Kulfaton se tang aa kar be-KHudi ki khoj mein Qafile is rah par aate rahen jate rahen Rahbar sab ko masafat ka sila deta rahe Rah-rau apne tajassus ka sila pate rahen