saanvlii

Saanvle jism kee har qaus men lahraataa hai Muskuraatee huee shaamon kaa salonaa jaadoo Raqs kartee hai tire husn kee ra.anaa.ee men Vaadee-e-najd ke jhonkon kee lajeelee khushboo Ye tire dosh pe bal khaa ke bikhartee zulfen Jaise ma.abad men sulagte hue sandal kaa dhuaan Jaise maghmoom musavvir ke siyah-posh khayaal Jaise mauhoom jazeeron kee chhabelee pariyaan Too wo barsaat kee ghanghor ghaTaa hai jis men Ek kaifiyat naghmaat chhupee baiThee hai Doodhiyaa husn se uktaa ke miree nazron ne Jab bhee dekhaa hai tire rang kaa bharpoor nikhaar Guunj uThee zehn men Udhte hue bhanvaron kee sadaa Rach ga.ee ruuh men gaatee huee koyal kee pukaar Kaun hai jis ne tiraa zikr na chheDaa ho kabhi Ab to har bazm kaa hai ek hee mauzoo-e-sukhan Koee deta hai laqab laila-e-be-mahmil kaa Koee kahtaa hai tujhe pyaar se kaalee naagin Kaun saa lafz tire vaaste eejaad karoon Sochtaa hoon tujhe kis naam se main yaad karoon Sanwle jism ki har qaus mein lahraata hai Muskuraati hui shamon ka salona jadu Raqs karti hai tere husn ki ranai mein Wadi-e-najd ke jhonkon ki lajili KHushbu Ye tere dosh pe bal kha ke bikharti zulfen Jaise mabad mein sulagte hue sandal ka dhuan Jaise maghmum musawwir ke siyah-posh KHayal Jaise mauhum jaziron ki chhabeli pariyan Tu wo barsat ki ghanghor ghaTa hai jis mein Ek kaifiyat naghmat chhupi baiThi hai Dudhiya husn se ukta ke meri nazron ne Jab bhi dekha hai tere rang ka bharpur nikhaar Gunj uThi zehn mein Udhte hue bhanwaron ki sada Rach gai ruh mein gati hui koyal ki pukar Kaun hai jis ne tera zikr na chheDa ho kabhi Ab to har bazm ka hai ek hi mauzu-e-suKHan Koi deta hai laqab laila-e-be-mahmil ka Koi kahta hai tujhe pyar se kali nagin Kaun sa lafz tere waste ijad karun Sochta hun tujhe kis nam se main yaad karun