sadma to hai mujhe bhi ki tujh se judaa hoon main

Sadma to hai mujhe bhee ki tujh se judaa hoon main Lekin ye sochtaa hoon ki ab teraa kya hoon main Bikhraa paDaa hai tere hee ghar men tiraa vajood Bekaar mahfilon men tujhe DhoonDtaa hoon main Main khud-kushee ke jurm kaa kartaa hoon e'tiraaf Apne badan kee qabr men kab se gaDaa hoon main Kis kis kaa naam laa.oon zabaan par ki tere saath Har roz ek shakhs nayaa dekhtaa hoon main Kya jaane kis adaa se liyaa too ne meraa naam Dunya samajh rahi hai ki sach-much tiraa hoon main Pahunchaa jo tere dar pe to mahsoos ye huaa Lambee see ek qataar men jaise khaDaa hoon main Le mere tajrabon se sabaq ai mire raqeeb Do-chaar saal umr men tujh se baDaa hoon main Jaagaa huaa zameer wo aa.eena hai 'qateel' Sone se pahle roz jise dekhtaa hoon main