sharminda unhen aur bhi ai mere khuda kar

Sharminda unhen aur bhee ai mere khuda kar Dastaar jinhen dee hai unhen sar bhee ataa kar LuuTaa hai sadaa jis ne hamen dost banaa kar Ham khush hain usee shakhs se phir haath milaa kar Dar hai ki na le jaa.e wo ham ko bhee churaa kar Ham laa.e hain ghar men jise mehmaan banaa kar Ik mauj dabe paanv ta.aaqub men chalee aa.ee Ham khush the bahut ret kee deevaar banaa kar Ham chaahen ki mil jaa.en hamen Dher se motee SeeDhee kisee pur-haul samundar men lagaa kar Darkaar ujaalaa hai magar sahme hue hain Kar de na andheraa koi baarood jalaa kar Le is ne tiraa kaasa-e-jaan toD hee Daalaa Jaa koocha-e-qaatil men 'qateel' aur sadaa kar