tadaptii hain tamannaaen kisi aaraam se pahle

TaDaptee hain tamannaa.en kisee aaraam se pahle LuTaa hogaa na yuun koi dil-e-naakaam se pahle Ye aalam dekh kar too ne bhee aankhen pher liin varna Koi gardish nahin thee gardish-e-ayyaam se pahle Giraa hai Toot kar shaayad miree taqdeer kaa taaraa Koi awaaz aa.ee thee shikast-e-jaam se pahle Koi kaise kare dil men chhupe toofaan kaa andaaza Sukoot-e-marg chhaayaa hai kisee kohraam se pahle Na jaane kyuun hamen is dam tumhaaree yaad aatee hai Jab aankhon men chamakte hain sitaare shaam se pahle Sunegaa jab zamaana meree barbaadee ke afsaane Tumhaaraa naam bhee aa.egaa mere naam se pahle