tere khaton ki khushbuu

Tere khaton kee khushboo Haathon men bas ga.ee hai saanson men rach rahi hai Khvaabon kee vus.aton men ik dhuum mach rahi hai Jazbaat ke gulistaan mahkaa rahi hai har soo Tere khaton kee khushboo Tere khaton kee mujh par kya kya inaayaten hain Be-mudda.aa karam hai bejaa shikaayaten hain Apne hee qahqahon par barsaa rahi hai aansoo Tere khaton kee khushboo Teree zabaan ban kar aksar mujhe sunaa.e Baaten banee banaa.ee jumle raTe-raTaa.e Mujh par bhee kar chukee hai apnee wafa kaa jaadoo Tere khaton kee khushboo Samjhe hain kuch usee ne aadaab chaahaton ke Sab ke liye vahee hain alqaab chaahaton ke Sab ke liye baraabar phailaa rahi hai baazoo Tere khaton kee khushboo Apne sivaa kisee ko main jaantaa nahin tha Suntaa tha laakh baaten aur maantaa nahin tha Ab khud nikaal laa.ee begaanagee ke pahloo Tere khaton kee khushboo Kyaa jaane kis taraf ko chupke se muD chukee hai Gulshan ke par lagaa kar sahraa ko uD chalee hai Rokaa hazaar main ne aa.ee magar na qaaboo Tere khaton kee khushboo Tere KHaton ki KHushbu Hathon mein bas gai hai sanson mein rach rahi hai KHwabon ki wusaton mein ek dhum mach rahi hai Jazbaat ke gulistan mahka rahi hai har su Tere KHaton ki KHushbu Tere KHaton ki mujh par kya kya inayaten hain Be-muddaa karam hai beja shikayaten hain Apne hi qahqahon par barsa rahi hai aansu Tere KHaton ki KHushbu Teri zaban ban kar aksar mujhe sunae Baaten bani banai jumle raTe-raTae Mujh par bhi kar chuki hai apni wafa ka jadu Tere KHaton ki KHushbu Samjhe hain kuch usi ne aadab chahaton ke Sab ke liye wahi hain alqab chahaton ke Sab ke liye barabar phaila rahi hai bazu Tere KHaton ki KHushbu Apne siwa kisi ko main jaanta nahin tha Sunta tha lakh baaten aur manta nahin tha Ab KHud nikal lai beganagi ke pahlu Tere KHaton ki KHushbu Kya jaane kis taraf ko chupke se muD chuki hai Gulshan ke par laga kar sahra ko uD chali hai Roka hazar main ne aai magar na qabu Tere KHaton ki KHushbu