uktaahat

Raushnee nahin hai duur duur tak Jaao mujh ko chhoD do Khaamushee hai mai-kade se tuur tak Barbaton ko tod do Ye udaas raat kee siyaahiyaan Niind aa ke Tal ga.ee Ye mire naseeb kee siyaahiyaan Sham.a kab kee jal ga.ee Niind hai na chaand hai na jaam hai Pyaas kya bujhaaoge Zindagee kee tegh be-niyaam hai Aas kya bandhaaoge Aasmaan buland hai to kya karoon Haa.e meree pastiyaan Kaash main tumhen kabhi dikhaa sakoon Kuchh ujaaD bastiyaan Hasraton kaa baagh baagh ujaD gaya Phuul ab khilenge kya Ek ek ham-safar bichhaD gaya Dost ab milenge kya Mish.alen nahin to ye charaagh kyuun Raah bhuul jaa.oongaa Zindagee pe koi taaza daagh kyuun Chaah bhuul jaa.oongaa Raushnee nahin hai duur duur tak Jaao mujh ko chhoD do Khaamushee hai mai-kade se tuur tak Barbaton ko tod do Raushni nahin hai dur dur tak Jao mujh ko chhoD do KHamushi hai mai-kade se tur tak Barbaton ko tod do Ye udas raat ki siyahiyan Nind aa ke Tal gai Ye mere nasib ki siyahiyan Shama kab ki jal gai Nind hai na chand hai na jam hai Pyas kya bujhaoge Zindagi ki tegh be-niyam hai Aas kya bandhaoge Aasman buland hai to kya karun Hae meri pastiyan Kash main tumhein kabhi dikha sakun Kuchh ujaD bastiyan Hasraton ka bagh bagh ujaD gaya Phul ab khilenge kya Ek ek ham-safar bichhaD gaya Dost ab milenge kya Mishalen nahin to ye charagh kyun Rah bhul jaunga Zindagi pe koi taza dagh kyun Chah bhul jaunga Raushni nahin hai dur dur tak Jao mujh ko chhoD do KHamushi hai mai-kade se tur tak Barbaton ko tod do