use manaa kar guruur us kaa badhaa na denaa

Use manaa kar ghuroor us kaa baDhaa na denaa Wo saamne aa.e bhee to us ko sadaa na denaa Khuloos ko jo khushaamadon men shumaar kar len Tum aise logon ko tohfatan bhee wafa na denaa Wo jis kee Thokar men ho sambhalne kaa dars shaamil Tum aise patthar ko raaste se haTaa na denaa Sazaa gunaahon kee denaa us ko zaroor lekin Wo aadmee hai tum us kee azmat ghaTaa na denaa Jahaan rifaaqat ho fitna-pardaaz maulvee kee Bahisht aisi kisee ko mere khuda na denaa 'qateel' mujh ko yahee sikhaayaa mire nabee ne Ki fat.h paa kar bhee dushmanon ko sazaa na denaa