ye meri gazlen ye meri nazmen ye meri gazlen ye meri nazmen

Ye meree ghazlen ye meree nazmen Jo main ne tujh se bichhaD ke likkheen Unhen koi chhaaptaa nahin hai Main jab bhee tere firaaq kaa nauha likh ke laa.oon Sukhan-shanaason ko meraa tarz-e-amal na bhaa.e Tiree mohabbat kaa dard ho jis ghazal men shaamil Kisee ko aisi ghazal na bhaa.e Javaab aa.e Ki jaane vaalon ko yaad karne se koi bhee faa.eda nahin hai Main teree yaadon ko goondh kar apnee hasraton men Taraashtaa hoon agar tiraa dil-navaaz paikar Vo log dete hain mujh ko but-parastee kaa ta.ana JuDe hain jin ke dilon men patthar Vahee sanam-gar Karen naseehat buton pe marne se koi bhee faa.eda nahin hai Main zikr kartaa hoon jab vasl kee ruton kaa To shahr ke saare paarsaa mujh ko Tokte hain Khilaaf-e-akhlaaq jin ke nazdeek hai mohabbat Vafaaon se mujh ko rokte hain Kachokte hain Ki apnee izzat pe naam dharne se koi bhee faa.eda nahin hai Agar kabhi main judaa.iyon kaa sabab bataa.oon To meree nazmon se khauf khaane lagen jareede Samaaj par ehtijaaj karne kaa haq jo maangon Koee ye kah kar zabaan see de Likho qaseede Ki khud ko yuun be-lagaam karne se koi bhee faa.eda nahin hai Isee liye to habeeb mere Ye meree ghazlen ye meree nazmen Jo main ne tujh se bichhaD ke likheen Unhen koi chhaaptaa nahin hai Ye meri ghazlen ye meri nazmen Jo main ne tujh se bichhaD ke likkhin Unhen koi chhapta nahin hai Main jab bhi tere firaq ka nauha likh ke laun SuKHan-shanason ko mera tarz-e-amal na bhae Teri mohabbat ka dard ho jis ghazal mein shamil Kisi ko aisi ghazal na bhae Jawab aae Ki jaane walon ko yaad karne se koi bhi faeda nahin hai Main teri yaadon ko gundh kar apni hasraton mein Tarashta hun agar tera dil-nawaz paikar Wo log dete hain mujh ko but-parasti ka tana JuDe hain jin ke dilon mein patthar Wahi sanam-gar Karen nasihat buton pe marne se koi bhi faeda nahin hai Main zikr karta hun jab wasl ki ruton ka To shahr ke sare parsa mujh ko Tokte hain KHilaf-e-aKHlaq jin ke nazdik hai mohabbat Wafaon se mujh ko rokte hain Kachokte hain Ki apni izzat pe nam dharne se koi bhi faeda nahin hai Agar kabhi main judaiyon ka sabab bataun To meri nazmon se KHauf khane lagen jaride Samaj par ehtijaj karne ka haq jo mangon Koi ye kah kar zaban si de Likho qaside Ki KHud ko yun be-lagam karne se koi bhi faeda nahin hai Isi liye to habib mere Ye meri ghazlen ye meri nazmen Jo main ne tujh se bichhaD ke likhin Unhen koi chhapta nahin hai