ghar se ye soch ke niklaa hoon ki mar jaanaa hai
— Rahat Indori
Ghar se ye soch ke niklaa hoon ki mar jaanaa hai
Ab koi raah dikhaa de ki kidhar jaanaa hai
Jism se saath nibhaane kee mat ummeed rakho
Is musaafir ko to raste men Thahar jaanaa hai
Maut lamhe kee sadaa zindagee umron kee pukaar
Main yahee soch ke zinda hoon ki mar jaanaa hai
Nashsha aisa thaa ki mai-khaane ko Dunya samjhaa
Hosh aayaa to khayaal aayaa ki ghar jaanaa hai
Mire jazbe kee baDee qadr hai logon men magar
Mere jazbe ko mire saath hee mar jaanaa hai