ham ne khud apnii rahnumaaii ki

Ham ne khud apnee rahnumaa.ee kee Aur shohrat huee khudaai kee Main ne dunya se mujh se dunya ne SaikDon baar bevafaa.ee kee Khule rahte hain saare darvaaze Koi soorat nahin rihaa.ee kee Toot kar ham mile hain pahlee baar Ye shurooaat hai judaa.ee kee So.e rahte hain oDh kar khud ko Ab zaroorat nahin razaa.ee kee Manzilen choomtee hain mere qadam Daad diije shikasta-paa.ee kee Zindagee jaise-taise kaaTnee hai Kya bhalaa.ee kee kya buraa.ee kee Ishq ke kaarobaar men ham ne Jaan de kar baDee kamaa.ee kee Ab kisee kee zabaan nahin khultee Rasm jaaree hai munh-bharaa.ee kee