jab kabhi phuulon ne khushbuu ki tijaarat ki hai

Jab kabhi phoolon ne khushboo kee tijaarat kee hai Pattee pattee ne havaaon se shikaayat kee hai Yuun lagaa jaise koi itr fazaa men ghul jaa.e Jab kisee bachche ne qur.aan kee tilaavat kee hai Jaa-namaazon kee tarah nuur men ujlaa.ee sahar Raat bhar jaise farishton ne ibaadat kee hai Sar uThaa.e thiin bahut surkh havaa men phir bhee Ham ne palkon ke charaaghon kee hifaazat kee hai Mujhe toofaan-e-havaadis se Daraane vaalo Haadson ne to mire haath pe bai.at kee hai Aaj ik daana-e-gandum ke bhee haqdaar nahin Ham ne sadiyon inheen kheton pe hukoomat kee hai Ye zarooree thaa ki ham dekhte qilon ke jalaal Umr bhar ham ne mazaaron kee ziyaarat kee hai