kaam sab gair zaruurii hain jo sab karte hain

Kaam sab ghair-zarooree hain jo sab karte hain Aur ham kuch nahin karte hain ghazab karte hain Aap kee nazron men suraj kee hai jitnee azmat Ham charaaghon kaa bhee utnaa hee adab karte hain Ham pe haakim kaa koi hukm nahin chaltaa hai Ham qalandar hain shahanshaah laqab karte hain Dekhiye jis ko use dhun hai maseehaa.ee kee Aaj kal shahr ke beemaar matab karte hain Khud ko patthar saa banaa rakkhaa hai kuch logon ne Bol sakte hain magar baat hee kab karte hain Ek ik pal ko kitaabon kee tarah paDhne lage Umr bhar jo na kiyaa ham ne wo ab karte hain