shahr kya dekhen ki har manzar men jaale pad gae

Shahr kya dekhen ki har manzar men jaale paD ga.e Aisi garmee hai ki piile phuul kaale paD ga.e Main andheron se bachaa laayaa thaa apne-aap ko Meraa dukh ye hai mire peechhe ujaale paD ga.e Jin zameenon ke qabaale hain mire purkhon ke naam Un zameenon par mire jiine ke laale paD ga.e Taaq men baiThaa huaa booDhaa kabootar ro diyaa Jis men Deraa thaa usee masjid men taale paD ga.e Koi vaaris ho to aa.e aur aa kar dekh le Zill-e-sub.haanee kee oonchee chhat men jaale paD ga.e