ye khaak zaade jo rahte hain be zabaan pade
— Rahat Indori
Ye khaak-zaade jo rahte hain be-zabaan paDe
Ishaara kar den to sooraj zameen pe aan paDe
Sukoot-e-zeest ko aamaada-e-baghaavat kar
Lahoo uchhaal ki Kuch zindagee men jaan paDe
Hamaare shahr kee beenaa.iyon pe rote hain
Tamaam shahr ke manzar lahoo-luhaan paDe
UThe hain haath mire hurmat-e-zameen ke liye
Mazaa jab aa.e ki ab paanv aasmaan paDe
Kisee makeen kee aamad ke intizaar men hain
Mire mohalle men khaalee ka.ee makaan paDe