ai husn e laala faam zaraa aankh to milaa

Ai husn-e-laala-faam! zaraa aankh to milaa Khaalee paDe hain jaam! zaraa aankh to milaa Kahte hain aankh aankh se milnaa hai bandagee Duniyaa ke chhoD kaam! zaraa aankh to milaa Kyaa wo na aaj aa.enge taaron ke saath saath Tanhaa.iyon kee shaam! zaraa aankh to milaa Ye jaam ye suboo ye tasavvur kee chaandnee Saaqee kahaan mudaam! zaraa aankh to milaa Saaqee mujhe bhee chaahiye ik jaam-e-aarzoo Kitne lagenge daam! zaraa aankh to milaa Paamaal ho na jaa.e sitaaron kee aabroo Ai mere khush-khiraam! zaraa aankh to milaa Hain raah-e-kahkashaan men azal se khaDe hue 'saaghar' tire ghulaam! zaraa aankh to milaa Ai husn-e-lala-fam! zara aankh to mila KHali paDe hain jam! zara aankh to mila Kahte hain aankh aankh se milna hai bandagi Duniya ke chhoD kaam! zara aankh to mila Kya wo na aaj aaenge taron ke sath sath Tanhaiyon ki sham! zara aankh to mila Ye jam ye subu ye tasawwur ki chandni Saqi kahan mudam! zara aankh to mila Saqi mujhe bhi chahiye ek jam-e-arzu Kitne lagenge dam! zara aankh to mila Pamal ho na jae sitaron ki aabru Ai mere KHush-KHiram! zara aankh to mila Hain rah-e-kahkashan mein azal se khaDe hue 'saghar' tere ghulam! zara aankh to mila