baat phuulon ki sunaa karte the
— Saghar Siddiqui
Baat phoolon kee sunaa karte the
Ham kabhi sher kahaa karte the
Mish.alen le ke tumhaare gham kee
Ham andheron men chalaa karte the
Ab kahaan aisi tabee.at vaale
ChoT khaa kar jo duaa karte the
Tark-e-ehsaas-e-mohabbat mushkil
Haan magar ahl-e-wafa karte the
Bikhree bikhree huee zulfon vaale
Qaafile rok liyaa karte the
Aaj gulshan men shagoofe 'saaghar'
Shikva-e-baad-e-sabaa karte the
Baat phulon ki suna karte the
Hum kabhi sher kaha karte the
Mishalen le ke tumhaare gham ki
Hum andheron mein chala karte the
Ab kahan aisi tabiat wale
ChoT kha kar jo dua karte the
Tark-e-ehsas-e-mohabbat mushkil
Han magar ahl-e-wafa karte the
Bikhri bikhri hui zulfon wale
Qafile rok liya karte the
Aaj gulshan mein shagufe 'saghar'
Shikwa-e-baad-e-saba karte the