chaak e daaman ko jo dekhaa to milaa eid kaa chaand

Chaak-e-daaman ko jo dekhaa to milaa eid kaa chaand Apnee taqdeer kahaan bhuul gaya eid kaa chaand Un ke abroo-e-khameeda kee tarah teekhaa hai Apnee aankhon men baDee der chhupaa eid kaa chaand Jaane kyuun aap ke rukhsaar mahak uThte hain Jab kabhi kaan men chupke se kahaa eid kaa chaand Duur veeraan basere men diyaa ho jaise Gham kee deevaar se dekhaa to lagaa eid kaa chaand Le ke haalaat ke sahraaon men aa jaataa hai Aaj bhee khuld kee rangeen fazaa eid kaa chaand Talkhiyaan baDh ga.iin jab ziist ke paimaane men Ghol kar dard ke maaron ne piyaa eid kaa chaand Chashm to vus.at-e-aflaak men khoee 'saaghar' Dil ne ik aur jagah DhoonD liyaa eid kaa chaand Chaak-e-daman ko jo dekha to mila eid ka chand Apni taqdir kahan bhul gaya eid ka chand Un ke abru-e-KHamida ki tarah tikha hai Apni aankhon mein baDi der chhupa eid ka chand Jaane kyun aap ke ruKHsar mahak uThte hain Jab kabhi kan mein chupke se kaha eid ka chand Dur viran basere mein diya ho jaise Gham ki diwar se dekha to laga eid ka chand Le ke haalat ke sahraon mein aa jata hai Aaj bhi KHuld ki rangin faza eid ka chand TalKHiyan baDh gain jab zist ke paimane mein Ghol kar dard ke maron ne piya eid ka chand Chashm to wusat-e-aflak mein khoi 'saghar' Dil ne ek aur jagah DhunD liya eid ka chand