ek nagma ik taaraa ek guncha ek jaam

Ek naghma ek taaraa ek ghuncha ek jaam Ai gham-e-dauraan gham-e-dauraan tujhe meraa salaam Zulf aavaara garebaan chaak ghabraa.ee nazar In dinon ye hai jahaan men zindagaanee kaa nizaam Chand taare Toot kar daaman men mere aa gire Main ne poochhaa thaa sitaaron se tire gham kaa maqaam Kah rahe hain chand bichhDe rahravon ke naqsh-e-paa Ham karenge inqalaab-e-justujoo kaa ehtimaam PaD ga.iin pairaahan-e-sub.h-e-chaman par silvaTen Yaad aa kar rah ga.ee hai be-khudee kee ek shaam Teree ismat ho ki ho mere hunar kee chaandnee Vaqt ke baazaar men har chiiz ke lagte hain daam Ham banaa.enge yahaan 'saaghar' na.ee tasveer-e-shauq Ham takhayyul ke mujaddid ham tasavvur ke imaam Ek naghma ek tara ek ghuncha ek jam Ai gham-e-dauran gham-e-dauran tujhe mera salam Zulf aawara gareban chaak ghabrai nazar In dinon ye hai jahan mein zindagani ka nizam Chand tare TuT kar daman mein mere aa gire Main ne puchha tha sitaron se tere gham ka maqam Kah rahe hain chand bichhDe rahrawon ke naqsh-e-pa Hum karenge inqalab-e-justuju ka ehtimam PaD gain pairahan-e-subh-e-chaman par silwaTen Yaad aa kar rah gai hai be-KHudi ki ek sham Teri ismat ho ki ho mere hunar ki chandni Waqt ke bazar mein har chiz ke lagte hain dam Hum banaenge yahan 'saghar' nai taswir-e-shauq Hum taKHayyul ke mujaddid hum tasawwur ke imam