ek waada hai kisi kaa jo wafa hota nahin

Ek va.ada hai kisee kaa jo wafa hota nahin Varna in taaron bharee raaton men kya hota nahin Jee men aataa hai ulaT den un ke chehre se naqaab Hausla karte hain lekin hausla hota nahin Sham.a jis kee aabroo par jaan de de jhuum kar Vo patingaa jal to jaataa hai fanaa hota nahin Ab to muddat se rah-o-rasm-e-nazaara band hai Ab to un kaa tuur par bhee saamnaa hota nahin Har shanaavar ko nahin miltaa talaatum se khiraaj Har safeene kaa muhaafiz naakhudaa hota nahin Har bhikaaree paa nahin saktaa maqaam-e-khvaajgee Har kas-o-naa-kas ko teraa gham ataa hota nahin Haa.e ye begaanagee apnee nahin mujh ko khabar Haa.e ye aalam ki too dil se judaa hota nahin Baarhaa dekhaa hai 'saaghar' rahguzaar-e-ishq men Kaarvaan ke saath aksar rahnumaa hota nahin Ek wada hai kisi ka jo wafa hota nahin Warna in taron bhari raaton mein kya hota nahin Ji mein aata hai ulaT den un ke chehre se naqab Hausla karte hain lekin hausla hota nahin Shama jis ki aabru par jaan de de jhum kar Wo patinga jal to jata hai fana hota nahin Ab to muddat se rah-o-rasm-e-nazara band hai Ab to un ka tur par bhi samna hota nahin Har shanawar ko nahin milta talatum se KHiraj Har safine ka muhafiz naKHuda hota nahin Har bhikari pa nahin sakta maqam-e-KHwajgi Har kas-o-na-kas ko tera gham ata hota nahin Hae ye beganagi apni nahin mujh ko KHabar Hae ye aalam ki tu dil se juda hota nahin Barha dekha hai 'saghar' rahguzar-e-ishq mein Karwan ke sath aksar rahnuma hota nahin