har marhala e shauq se lahraa ke guzar jaa

Har marhala-e-shauq se lahraa ke guzar jaa Aasaar-e-talaatum hon to bal khaa ke guzar jaa Bahkee huee makhmoor ghaTaaon kee sadaa sun Firdaus kee tadbeer ko bahlaa ke guzar jaa Maayoos hain ehsaas se uljhee huee raahen Paa.el dil-e-majboor kee chhankaa ke guzar jaa Yazdaan o ahrman kee hikaayaat ke badle Insaan kee rivaayaat ko dohraa ke guzar jaa Kahtee hain tujhe mai-kada-e-vaqt kee raahen BigDee huee taqdeer ko suljhaa ke guzar jaa Bujhtee hee nahin tishnagee-e-dil kisee soorat Ai abr-e-karam aag hee barsaa ke guzar jaa KaanTe jo lagen haath to Kuch gham nahin 'saaghar' Kaliyon ko har ik gaam pe bikhraa ke guzar jaa Har marhala-e-shauq se lahra ke guzar ja Aasar-e-talatum hon to bal kha ke guzar ja Bahki hui maKHmur ghaTaon ki sada sun Firdaus ki tadbir ko bahla ke guzar ja Mayus hain ehsas se uljhi hui rahen Pael dil-e-majbur ki chhanka ke guzar ja Yazdan o ahrman ki hikayat ke badle Insan ki riwayat ko dohra ke guzar ja Kahti hain tujhe mai-kada-e-waqt ki rahen BigDi hui taqdir ko suljha ke guzar ja Bujhti hi nahin tishnagi-e-dil kisi surat Ai abr-e-karam aag hi barsa ke guzar ja KanTe jo lagen hath to Kuch gham nahin 'saghar' Kaliyon ko har ek gam pe bikhra ke guzar ja