khataa vaar e muravvat ho na marhuun e karam ho jaa

Khataa-vaar-e-muravvat ho na marhoon-e-karam ho jaa Masarrat sar jhukaa.egee parastaar-e-alam ho jaa Inhee be-rabt khawabon se koi ta.abeer niklegee Inhee uljhee huee raahon pe meraa ham-qadam ho jaa Kisee zardaar se jins-e-tabassum maangne vaale Kisee bekas ke laashe par shareek-e-chashm-e-nam ho jaa Kisee din in andheron men charaaghaan ho hee jaa.egaa Jalaa kar daagh-e-dil koi ziyaa-e-shaam-e-gham ho jaa Tujhe suljhaa.egaa ab inqilaab-e-vaqt kaa shaana Taqaazaa-e-junoon hai gesu-e-dauraan kaa kham ho jaa Tajassus markaz-e-taqdeer kaa qaa.il nahin hota Shu.oor-e-bandagee! begaana-e-dair-o-haram ho jaa Ye manzil aur gard-e-kaarvaan 'saaghar' kahaan apne SimaT kar rahguzaar-e-vaqt par naqsh-e-qadam ho jaa KHata-war-e-murawwat ho na marhun-e-karam ho ja Masarrat sar jhukaegi parastar-e-alam ho ja Inhi be-rabt KHwabon se koi tabir niklegi Inhi uljhi hui rahon pe mera ham-qadam ho ja Kisi zardar se jins-e-tabassum mangne wale Kisi bekas ke lashe par sharik-e-chashm-e-nam ho ja Kisi din in andheron mein charaghan ho hi jaega Jala kar dagh-e-dil koi ziya-e-sham-e-gham ho ja Tujhe suljhaega ab inqilab-e-waqt ka shana Taqaza-e-junun hai gesu-e-dauran ka KHam ho ja Tajassus markaz-e-taqdir ka qail nahin hota Shuur-e-bandagi! begana-e-dair-o-haram ho ja Ye manzil aur gard-e-karwan 'saghar' kahan apne SimaT kar rahguzar-e-waqt par naqsh-e-qadam ho ja