mahfilen lut gaiin jazbaat ne dam tod diyaa

Mahfilen luT ga.iin jazbaat ne dam toD diyaa Saaz khaamosh hain naghmaat ne dam toD diyaa Har masarrat gham-e-deeroz kaa unvaan banee Vaqt kee god men lamhaat ne dam toD diyaa An-ginat mahfilen mahroom-e-charaaghaan hain abhee Kaun kahtaa hai ki zulmaat ne dam toD diyaa Aaj phir bujh ga.e jal jal ke umeedon ke charaagh Aaj phir taaron bharee raat ne dam toD diyaa Jin se afsaana-e-hastee men tasalsul thaa kabhi Un mohabbat kee rivaayaat ne dam toD diyaa Jhilmilaate hue ashkon kee laDee Toot ga.ee Jagmagaatee huee barsaat ne dam toD diyaa Haa.e aadaab-e-mohabbat ke taqaaze 'saaghar' Lab hile aur shikaayaat ne dam toD diyaa Mahfilen luT gain jazbaat ne dam toD diya Saz KHamosh hain naghmat ne dam toD diya Har masarrat gham-e-diroz ka unwan bani Waqt ki god mein lamhat ne dam toD diya An-ginat mahfilen mahrum-e-charaghan hain abhi Kaun kahta hai ki zulmat ne dam toD diya Aaj phir bujh gae jal jal ke umidon ke charagh Aaj phir taron bhari raat ne dam toD diya Jin se afsana-e-hasti mein tasalsul tha kabhi Un mohabbat ki riwayat ne dam toD diya Jhilmilate hue ashkon ki laDi TuT gai Jagmagati hui barsat ne dam toD diya Hae aadab-e-mohabbat ke taqaze 'saghar' Lab hile aur shikayat ne dam toD diya