mataa e kausar o zamzam ke paimaane tirii aankhen

Mataa-e-kausar-o-zamzam ke paimaane tiree aankhen Farishton ko banaa detee hain deevaane tiree aankhen Jahaan-e-rang-o-boo uljhaa huaa hai un ke Doron men Lagee hain kaakul-e-taqdeer suljhaane tiree aankhen Ishaaron se dilon ko chheD kar iqraar kartee hain UThaatee hain bahaar-e-nau ke nazraane tiree aankhen Vo deevaane zamaam-e-laala-o-gul thaam lete hain Jinhen mansoob kar detee hain veeraane tiree aankhen Shagoofon ko sharaaron kaa machaltaa ruup detee hain Haqeeqat ko banaa detee hain afsaane tiree aankhen Mata-e-kausar-o-zamzam ke paimane teri aankhen Farishton ko bana deti hain diwane teri aankhen Jahan-e-rang-o-bu uljha hua hai un ke Doron mein Lagi hain kakul-e-taqdir suljhane teri aankhen Ishaaron se dilon ko chheD kar iqrar karti hain UThati hain bahaar-e-nau ke nazrane teri aankhen Wo diwane zamam-e-lala-o-gul tham lete hain Jinhen mansub kar deti hain virane teri aankhen Shagufon ko shararon ka machalta rup deti hain Haqiqat ko bana deti hain afsane teri aankhen