mere tasavvuraat hain tahriiren ishq ki

Mere tasavvuraat hain tahreeren ishq kee Zindaanee-e-khayaal hain zanjeeren ishq kee Ta.abeer-e-husn hai dil-e-majrooh kaa lahoo ChheenTe paDe to ban ga.iin tasveeren ishq kee Daagh-e-firaaq zakhm-e-wafa ashk-e-khoon-fishaan Roz-e-azal se hain yahee jaageeren ishq kee Shaam-e-khizaan ko sub.h-e-bahaaraan banaa diyaa Tarteeb-e-zeest ban ga.iin ta.azeeren ishq kee 'saaghar' jahaan-e-shauq men dekhee hai jaavedaan Ahl-e-nazar ke saamne tafseeren ishq kee Mere tasawwuraat hain tahriren ishq ki Zindani-e-KHayal hain zanjiren ishq ki Tabir-e-husn hai dil-e-majruh ka lahu ChhinTe paDe to ban gain taswiren ishq ki Dagh-e-firaq zaKHm-e-wafa ashk-e-KHun-fishan Roz-e-azal se hain yahi jagiren ishq ki Sham-e-KHizan ko subh-e-bahaaran bana diya Tartib-e-zist ban gain taziren ishq ki 'saghar' jahan-e-shauq mein dekhi hai jawedan Ahl-e-nazar ke samne tafsiren ishq ki