nazar nazar be qaraar sii hai nafas nafas men sharaar saa hai

Nazar nazar be-qaraar see hai nafas nafas men sharaar saa hai Main jaantaa hoon ki tum na aaoge phir bhee kuch intizaar saa hai Mire azeezo mire rafeeqo chalo koi daastaan chheDo Gham-e-zamaana kee baat chhoDo ye gham to ab saazgaar saa hai Vahee fasurda saa rang-e-mahfil vahee tiraa ek aam jalva Miree nigaahon men baar saa tha miree nigaahon men baar saa hai Kabhee to aao kabhi to baiTho kabhi to dekho kabhi to poochho Tumhaaree bastee men ham faqeeron kaa haal kyuun sogvaar saa hai Chalo ki jashn-e-bahaar dekhen chalo ki zarf-e-bahaar jaanchen Chaman chaman raushnee huee hai kalee kalee pe nikhaar saa hai Ye zulf-bar-dosh kaun aayaa ye kis kee aahaT se gul khile hain Mahak rahi hai fazaa-e-hastee tamaam aalam bahaar saa hai Nazar nazar be-qarar si hai nafas nafas mein sharar sa hai Main jaanta hun ki tum na aaoge phir bhi kuch intizar sa hai Mere azizo mere rafiqo chalo koi dastan chheDo Gham-e-zamana ki baat chhoDo ye gham to ab sazgar sa hai Wahi fasurda sa rang-e-mahfil wahi tera ek aam jalwa Meri nigahon mein bar sa tha meri nigahon mein bar sa hai Kabhi to aao kabhi to baiTho kabhi to dekho kabhi to puchho Tumhaari basti mein hum faqiron ka haal kyun sogwar sa hai Chalo ki jashn-e-bahaar dekhen chalo ki zarf-e-bahaar jaanchen Chaman chaman raushni hui hai kali kali pe nikhaar sa hai Ye zulf-bar-dosh kaun aaya ye kis ki aahaT se gul khile hain Mahak rahi hai faza-e-hasti tamam aalam bahaar sa hai