puuchhaa kisi ne haal kisi kaa to ro diye

Poochhaa kisee ne haal kisee kaa to ro diye Paanee men 'aks chaand kaa dekhaa to ro diye Naghma kisee ne saaz pe chheDaa to ro diye Ghuncha kisee ne shaakh se toDaa to ro diye UDtaa huaa ghubaar sar-e-raah dekh kar Anjaam ham ne 'ishq kaa sochaa to ro diye Baadal fazaa men aap kee tasveer ban ga.e Saaya koi khayaal se guzraa to ro diye Rang-e-shafaq se aag shagoofon men lag ga.ee Saaghar hamaare haath se chhalkaa to ro diye Puchha kisi ne haal kisi ka to ro diye Pani mein 'aks chand ka dekha to ro diye Naghma kisi ne saz pe chheDa to ro diye Ghuncha kisi ne shaKH se toDa to ro diye UDta hua ghubar sar-e-rah dekh kar Anjam hum ne 'ishq ka socha to ro diye Baadal faza mein aap ki taswir ban gae Saya koi KHayal se guzra to ro diye Rang-e-shafaq se aag shagufon mein lag gai Saghar hamare hath se chhalka to ro diye