ruudaad e mohabbat kya kahiye Kuch yaad rahii Kuch bhuul gae

Roodaad-e-mohabbat kya kahiye Kuch yaad rahi Kuch bhuul ga.e Do din kee masarrat kya kahiye Kuch yaad rahi Kuch bhuul ga.e Jab jaam diyaa thaa saaqee ne jab daur chalaa thaa mahfil men Ik hosh kee saa.at kya kahiye Kuch yaad rahi Kuch bhuul ga.e Ab vaqt ke naazuk honTon par majrooh tarannum raqsaan hai Bedaad-e-mashiyyat kya kahiye Kuch yaad rahi Kuch bhuul ga.e Ehsaas ke mai-khaane men kahaan ab fikr-o-nazar kee qindeelen Aalaam kee shiddat kya kahiye Kuch yaad rahi Kuch bhuul ga.e Kuchh haal ke andhe saathee the Kuch maazee ke ayyaar sajan Ahbaab kee chaahat kya kahiye Kuch yaad rahi Kuch bhuul ga.e KaanTon se bharaa hai daaman-e-dil shabnam se sulagtee hain palken Phoolon kee sakhaavat kya kahiye Kuch yaad rahi Kuch bhuul ga.e Ab apnee haqeeqat bhee 'saaghar' be-rabt kahaanee lagtee hai Duniyaa kee haqeeqat kya kahiye Kuch yaad rahi Kuch bhuul ga.e Rudad-e-mohabbat kya kahiye Kuch yaad rahi Kuch bhul gae Do din ki masarrat kya kahiye Kuch yaad rahi Kuch bhul gae Jab jam diya tha saqi ne jab daur chala tha mahfil mein Ek hosh ki saat kya kahiye Kuch yaad rahi Kuch bhul gae Ab waqt ke nazuk honTon par majruh tarannum raqsan hai Bedad-e-mashiyyat kya kahiye Kuch yaad rahi Kuch bhul gae Ehsas ke mai-KHane mein kahan ab fikr-o-nazar ki qindilen Aalam ki shiddat kya kahiye Kuch yaad rahi Kuch bhul gae Kuchh haal ke andhe sathi the Kuch mazi ke ayyar sajan Ahbab ki chahat kya kahiye Kuch yaad rahi Kuch bhul gae KanTon se bhara hai daman-e-dil shabnam se sulagti hain palken Phulon ki saKHawat kya kahiye Kuch yaad rahi Kuch bhul gae Ab apni haqiqat bhi 'saghar' be-rabt kahani lagti hai Duniya ki haqiqat kya kahiye Kuch yaad rahi Kuch bhul gae