saaqii ki ik nigaah ke afsaane ban gae

Saaqee kee ik nigaah ke afsaane ban ga.e Kuchh phuul Toot kar mire paimaane ban ga.e KaaTee jahaan tasavvur-e-jaanaan men ek shab Kahte hain log us jagah but-khaane ban ga.e Jin par na saa.e zulf-e-ghazaalaan ke paD sake Ehsaas kee nigaah men veeraane ban ga.e Jo pee sake na surkh labon kee tajalliyaan Duniyaa ke tajrabaat se anjaane ban ga.e 'saaghar' vahee maqaam hai ik manzil-e-faraaz Apne bhee jis maqaam pe begaane ban ga.e Saqi ki ek nigah ke afsane ban gae Kuchh phul TuT kar mere paimane ban gae KaTi jahan tasawwur-e-jaanan mein ek shab Kahte hain log us jagah but-KHane ban gae Jin par na sae zulf-e-ghazalan ke paD sake Ehsas ki nigah mein virane ban gae Jo pi sake na surKH labon ki tajalliyan Duniya ke tajrabaat se anjaane ban gae 'saghar' wahi maqam hai ek manzil-e-faraaz Apne bhi jis maqam pe begane ban gae