taaron se meraa jaam bharo main nashe men hoon

Taaron se meraa jaam bharo main nashe men hoon Ai saakinaan-e-khuld suno main nashe men hoon Kuchh phuul khil rahe hain sar-e-shaakh-e-mai-kada Tum hee zaraa ye phuul chuno main nashe men hoon Thahro abhee to sub.h kaa maaraa hai zau-fishaan Dekho mujhe fareb na do main nashe men hoon Nashsha to maut hai gham-e-hastee kee dhoop men Bikhraa ke zulf saath chalo main nashe men hoon Mela yuun hee rahe ye sar-e-rahguzaar-e-zeest Ab jaam saamne hee rakho main nashe men hoon Paa.el chhanak rahi hai nigaar-e-khayaal kee Kuchh ehtimaam-e-raqs karo main nashe men hoon Main Dagmagaa raha hoon bayaabaan-e-hosh men Mere abhee qareeb raho main nashe men hoon Hai sirf ik tabassum-e-rangeen bahut mujhe 'saaghar' ba-dosh laala-rukho main nashe men hoon Taron se mera jam bharo main nashe mein hun Ai sakinan-e-KHuld suno main nashe mein hun Kuchh phul khil rahe hain sar-e-shaKH-e-mai-kada Tum hi zara ye phul chuno main nashe mein hun Thahro abhi to subh ka mara hai zau-fishan Dekho mujhe fareb na do main nashe mein hun Nashsha to maut hai gham-e-hasti ki dhup mein Bikhra ke zulf sath chalo main nashe mein hun Mela yun hi rahe ye sar-e-rahguzar-e-zist Ab jam samne hi rakho main nashe mein hun Pael chhanak rahi hai nigar-e-KHayal ki Kuchh ehtimam-e-raqs karo main nashe mein hun Main Dagmaga raha hun bayaban-e-hosh mein Mere abhi qarib raho main nashe mein hun Hai sirf ek tabassum-e-rangin bahut mujhe 'saghar' ba-dosh lala-ruKHo main nashe mein hun