terii nazar kaa rang bahaaron ne le liyaa

Teree nazar kaa rang bahaaron ne le liyaa Afsurdagee kaa ruup taraanon ne le liyaa Jis ko bharee bahaar men ghunche na kah sake Vo vaaqi'a bhee mere fasaanon ne le liyaa Shaayad milegaa qariya-e-mahtaab men sukoon Ahl-e-khirad ko aise gumaanon ne le liyaa Yazdaan se bach raha thaa jalaalat kaa ek lafz Us ko haram ke shokh bayaanon ne le liyaa Teree adaa se ho na sakaa jis kaa faisla Vo zindagee kaa raaz nishaanon ne le liyaa Afsaana-e-hayaat kee takmeel ho ga.ee Apnon ne le liyaa ki begaanon ne le liyaa Bhoolee nahin wo qaus-e-quzah kee see sooraten 'saaghar' tumhen to mast dhiyaanon ne le liyaa Teri nazar ka rang bahaaron ne le liya Afsurdagi ka rup taranon ne le liya Jis ko bhari bahaar mein ghunche na kah sake Wo waqi'a bhi mere fasanon ne le liya Shayad milega qariya-e-mahtab mein sukun Ahl-e-KHirad ko aise gumanon ne le liya Yazdan se bach raha tha jalalat ka ek lafz Us ko haram ke shoKH bayanon ne le liya Teri ada se ho na saka jis ka faisla Wo zindagi ka raaz nishanon ne le liya Afsana-e-hayat ki takmil ho gai Apnon ne le liya ki beganon ne le liya Bhuli nahin wo qaus-e-quzah ki si suraten 'saghar' tumhein to mast dhiyanon ne le liya